Сөздерінше, көршілес жатқан Мичурин ауылының азаматы арзан бағада жер сатамын деп тиісті құжаттарды көрсеткен. Егде жастағы адамның айтқанына сеніп қалдық деген тұрғындар қолда бар ақшаларын танымайтын адамның есепшотына аударып жіберіпті. Қазір жерсіз, қаражатсыз қалған көпшілік ақша берген жанды таппай жүр. Ал халық құзырлы орган бірнеше жылдан бері арызымызды қабылдамайды деп ашулы.
Тұрғындардың айтуынша, екі жыл бұрын белгісіз азамат арзан бағада жер телімін сатамын деп қолындағы құжатын көрсеткен. Әрі заңды деп сендірген. Тек 3,5 миллион теңгені есепшотқа аударуды талап етіпті. Арзан бағада жер алмақ болған ауылдықтар бірі несие алып, бірі мүлкін сатып ақшаны қалайда тауып жіберген. Бірақ жылдар бойы телімді де, ақшамызды да ала алмай жүрміз дейді. Ал азаматтың өзін сол күйі көрмедік деп отыр. Ең сорақысы құзырлы органдағылар халықтың арызын қабылдамай келеді дейді бұқара.
«Ол предоплата жасаңдар. 2023 жылдың наурыз айына дейін құжат дайын болады, сосын бөліп беремін деп ақша алды. Одан кейін 3 балама алып берейін деп, тағы 2 учаскеге ақша бердім мен. Жалпы 7 миллион 800 мың теңге. Үйіне іздеп барсақ. Үйін сатып жіберді дейді. 100 шақты адам сол жерде тұр екен. Жұрттың жанайқайын аудан әкімі бүгін ғана естідім деп аң-таң. Енді мәселені қолға аламын деп сендірді», — дейді Талғар ауданының тұрғыны Махмұт Сейдаров.
