Бүгін Қонаевта Алматы облыстық мәслихатының кезекті IV сессиясы өтті.
Сессияда экономика және бюджеттік жоспарлау басқармасы басшысының орынбасары Бақытгүл Төлебекова мамандарға төленетін пәтерақыны 135 мың теңгеден 170 мың теңгеге көтеруді ұсынды.
«Мемлекеттік қызметкерлердің 45 пайызы тұрғын үймен қамтамасыз етілуіне байланысты пәтер жалдау ақысын өтеуге бөлінген қаражат үнемделді. Пәтерақы 170 мыңға көтерілген күннің өзінде бюджет шығындары ұлғаймайды», — деді Бақытгүл Төлебекова.
Депутаттар бірауыздан ұсынысты мақұлдады.
Айта кетейік, еліміздегі облыс орталықтарының ішінде Қонаев қаласы пәтер жалдау ақысының қымбаттылығы жөнінен бірінші орында (1 шаршы метр — 3651 теңге). Бұл шаһардан кейін Ақтау (3262 тг) мен Қарағанды (3082 тг) қалалары тұр.
