Еңбегі еленіп, құрметтелгендер қатарында Балқаш-Алакөл облысаралық балық шаруашылығы инспекция қызметкерлері мен ардагерлері, балық аулаумен және өсірумен айналысатын шаруашылықтар қызметкерлері болды.
«Балық шаруашылығы саласында еңбек сіңірген қызметкер» төсбелгісімен 3 маман, осы саладағы мінсіз қызметі үшін 7 маман, бірқатар қызметші Құрмет грамотасымен және Алғыс хаттармен марапатталды.
«Балық шаруашылығы — Алматы облысындағы перспективалы саланың бірі. Қазіргі таңда өңірде су қоймаларының, көлдердің төлқұжаттары дайындалып жатыр. Бұл өз кезегінде инвестиция тартуға мүмкіндік береді. Биыл облыста 9000 тонна балық өндірілмек. 2030 жылға қарай көрсеткіш 25 мың тоннаға дейін артады деп жоспарланып отыр. Сондай-ақ балық шаруашылығын дамыту мақсатында 150 млн теңге субсидия қарастырылғанын да айта кеткен жөн. Бұдан басқа, тартылған инвестиция көлемінің жартысын өтеу үшін облыста 450 млн теңге қарастырылған. Осы салада аянбай тер төгіп, еңбек етіп жүрген мамандарды кәсіби мерекемен құттықтаймын», — деді шарада тілшілерге сұхбат берген Алмас Батанов.
Бүгінгі күні Балқаш-Алакөл бассейнінде 49 балық шаруашылығы субъектілері қызмет етеді. Аталған салада 1500-ден астам адам жұмыс істейді.
2021-2022 жылдар аралығында облыс аумағында жылдық қуаты 1550 мың тонна тауарлық балық өсіретін 9 шаруашылық іске қосылып, 250 жаңа жұмыс орыны ашылды. Тартылған инвестиция көлемі — 8,2 млрд. теңгеден астам.
