Дода Елорданың 25 жылдығын тойлау мақсатында ұйымдастырылды. Біріншілікке 2006-2008 жылы туған жасөспірімдер қатысты.
Көкпарда Еңбекшіқазақ, Райымбек, Кеген, Жамбыл, Қарасай аудандарының атынан 5 команда өнер көрсетіп, кегендіктер суырылып алға шықты. 2-орынды Жамбыл ауданы, 3-орынды қарасайлықтар жеңіп алды.
«Бізде ұлттық ат спорт түрлерімен 500-ге жуық оқушы айналысады. Олар үшін жылқылардың ең мықтысын таңдап алуға тырысамыз. Әрі біздің өзіндік тактикамыз да бар. Бір ойыншы серкені көтеріп жатса, келесісі оны бәсекелестерінен қорғап тұрады, үшіншісі қарсылас командаға өзі «шабуылдап», қазандыққа жолды тазалап отырады. Бұл біріншіліктен кейін біздің спортшылар үлкен белестерді бағындыратынына сенімдіміз», — деді Қарасай ауданындағы спорт мектебінің директоры Амандос Әукенов.
Ал аударыспаққа 50-ден астам салт атты қатысты. Олар 9 салмақ дәрежесінде ойын көрсетті.
Жарыс нәтижесі келесідей:
42 келі салмақ дәрежесінде:
1-орын — Азамат Даурен (Еңбекшіқазақ ауд.)
2-орын — Байбулан Айқын (Еңбекшіқазақ ауд.)
48 келі салмақта:
1-орын — Әбдрахман Ақжол (Кеген ауд.)
2-орын — Қойлюбай Алдияр (Еңбекшіқазақ ауд.)
3-орын — Матенов Жүрсін (Еңбекшіқазақ ауд.)
54 келі салмақта:
1-орын — Сабит Санжар (Райымбек ауд.)
2-орын — Олжаев Марлен (Қарасай ауд.)
3-орын — Манасбай Мирас (Еңбекшіқазақ ауд.)
59 келі салмақта:
1-орын — Ерғали Ақжігіт (Райымбек ауд.)
2-орын — Қайрат Абдусабыр (Райымбек ауд.)
3-орын — Мейрамбекұлы Ғабдуғазиз (Жамбыл ауд.)
65 келі салмақта:
1-орын — Сарсембай Сұлтанбек (Райымбек ауд.)
2-орын — Тынышбаев Дінмұхамед (Қарасай ауд.)
3-орын — Ізтілеуов Шыңғыс (Қарасай ауд.)
71 келі салмақта:
1-орын — Төкенұлы Алмас (Райымбек ауд.)
2-орын — Кеңесхан Алихан (Жамбыл ауд.)
3-орын — Пулатжан Ислам (Еңбекшіқазақ ауд.)
77 келі салмақта:
1-орын — Омархан Нурислам (Райымбек ауд.)
2-орын — Обылжан Әділет (Райымбек ауд.)
3-орын — Еркен Руслан (Еңбекшіқазақ ауд.)
Жалпы командалық есепте:
1-орын — Еңбекшіқазақ ауданы
2-орын — Кеген ауданы
3-орын — Жамбыл ауданы
Жеңімпаздар мен жүлдегерлер Алматы облысының дене шынықтыру және спорт басқармасының грамота, медаль, кубок және тиісті дәрежелі дипломымен марапатталды.
