Қорғаныс министрлігі Қонаев гарнизонының әскери бөлімдерінің бірінен қашып кеткен Нұрасыл Болат ұсталғанын мәлімдеді.
«2023 жылғы 3 шілдеде ішкі істер органдарының қызметкерлері және әскери полицияның әскери қызметшілерімен ұйымдастырылған бірлескен жедел-іздестіру іс-шаралары барысында әскери бөлімді өз еркімен тастап кеткен мерзімді қызметтегі қатардағы жауынгер Б.-ның орналасқан жері анықталды. Әскери қызметші қызмет атқаратын орнына жеткізілді», — делінген хабарламада.
Айта кетейік, 3 шілде күні заңгер Анна Чернова депутаттың ұлының әскери бөлімнен қашып кеткенін хабарлаған болатын.
