Қазақстан, Ресей, Өзбекстан және Қырғызстаннан барлығы 35 қатысушы болды.
Екінші жыл қатарынан халықаралық регата жаңа форматта өтуде. Қапшағай су қоймасының ашық алаңдарында қатысушылар 200 шақырымнан астам жол жүріп өтті.
Айтпақшы, желкенді қайық сағатына 25 км-ге дейін жылдамдықпен жүре алады. Қатты жел кейде жылдамдықты тамашалауға кедергі келтірді, дейді қатысушылар. Олардың көпшілігі нағыз шеберлік көрсетті — қайық бір секунд та тоқтап қалмас үшін желмен жарысты деуге болады.
Жеті күндік су сапарының нәтижесінде:
- «А» сыныбында 1 орынды «KazKat 24» катамаранында (Қазақстан, Қырғызстан) басқалардан жақсырақ және жылдам жүзген капитан А. Гаида және оның командасы жеңіске жетті.
- «В» сыныбында «Кулик 21» (Қазақстан) тримаранының экипажын басқарған капитан А. Громов жеңімпаз атанды.
- «С» сыныбында «Кулик 18» тримаранының экипажы үздік деп танылды, капитан — А. Ахмедов (Өзбекстан).
Ұйымдастырушылар: Алматы облысының туризм басқармасы, Алматы облысының дене шынықтыру және спорт басқармасы, Желкенді жүзу капитандарының халықаралық қауымдастығының (MARPS) және Қазақстан спорт туристері достастығындағы қазақстандық туристік яхташыларды ұйымдастыру комитеті.
Регатаға Республикалық желкенді қайық спорты федерациясы, Алматы облысының спорттық туризм федерациясы, KazAlpineClub үкіметтік емес ұйымы қолдау көрсетті.
