Нұржан Өстеміровтің айтуынша, 23 қаңтардан 1 шілдеге дейін Алматы облысында 590 шетелдік көлік рәсімделген. Оның 509-ы онлайн өтінім берген.
Ал ІІМ ресми өкілі Шұғыла Тұрлыбектің сөзінше, Қазақстан бойынша 196 мыңнан астам көлік рәсімделген. 1 шілдеге дейін өтінім берген тұрғындарға көліктерін рәсімдеуге мүмкіндік берілді.
Сондай-ақ Нұржан Өстеміров 2022 жылдың 1 қыркүйегіне дейін Қазақстанға әкелінген, бірақ, көліктерін рәсімдеуге үлгермегендер автокөліктерді 5 жылға уақытша мемлекеттік тіркеуге қоя алатынын айтты. Уақытша тіркеу кезінде көлік құралын тіркеу туралы куәлік пен мемлекеттік нөмірлер беріледі. Тіркеу куәлігінде: «елден шығару және елден кету құқығынсыз уақытша тіркеу» дерегі көрсетіледі.
