Азық-түлік бағасының қымбаттауы қазақстандықтардың көпшілігін алаңдатты. Әсіресе, Алматы облысы тұрғындарын беймаза күйге түсірді.
«Азық-түлік бағасын тұрақтандыру бүгінгі күннің басты міндеті. Осы орайда тұрақтандыру қорын толықтыруға және кәсіпкерлерді жеңілдетілген несиелендіруге қосымша 2 млрд теңге бөлінді», — деп хабарлады облыс әкімінің баспасөз қызметі.
Сондай-ақ, министрлік бүгінде облыста 92 мал бордақылау алаңы мен сүт фермасы, 19 көкөніс қоймасы және 63 жылыжай бар екенін айтты. Бұл Алматы қаласының айналасындағы азық-түлік белдеуін жергілікті өніммен қамтамасыз етуге мүмкіндік береді.
Сонымен қатар, 10 жергілікті құс фабрикасы жылына 109 мың тонна құс етін береді. Ол республиканың жалпы көлемінің үштен бірін (343 мың тонна) өндіреді.
Жалпы қуаттылығы 46 мың тонна болатын тағы екі құс фабрикасын салу жоспарланып жатыр.
