Оқиға 22 маусымда «Ақсай-Шонжы-Қалжат» тасжолында болған. 32 жастағы әйел рульге ие бола алмай, «Lexus» көлігі аударылып қалған.
«Жол апаты салдарынан көлік жүргізушісі мен жолаушы әйел оқиға орнында қаза тапты. Тағы бір 25 жастағы жолаушы түрлі жарақаттармен Шонжы ауылындағы ауруханаға жатқызылды», — деді Алматы облысының полиция өкілдері.
Аталған дерек Қылмыстық кодекстің 345-бабы 4-бөлігі бойынша Ұйғыр ауданы полиция бөлімінде тіркелген.
«Қазіргі уақытта жол-көлік оқиғасының барлық мән-жайын объектив зерттеуге бағытталған сараптама тағайындау арқылы барлық қажетті тергеу әрекеттері жүргізіліп жатыр», — деді облыстық полиция департаментіндегілер.
