Талғар ауданының әкімі Таңат Есенкелдіұлы Айдарбеков Абай облысындағы Семей орманы табиғи резерватының аумағында табиғи өртті сөндіруге қатысқан Талғар гарнизонының өрт сөндірушілеріне алғысын білдірді. Аудан әкімі мен оның орынбасарлары Талғар қаласының №2 мамандандырылған өрт сөндіру бөліміне келіп, өрт сөндірушілерге Талғар ауданы әкімдігінің атынан Құрмет грамоталары мен естелік кәдесыйлар табыс етті.
Таңат Айдарбеков батырларымыздың еңбегін жоғары бағалап, басты міндет адамдардың өмірін құтқару болып табылатын құтқарушылардың жоғары және жауапты миссиясын атап өтті.
Талғар ауданы ТЖБ гарнизоны мен Талғар қаласы МӨСБ-2 Абай облысынан оралған өз қызметкерлерін жылы қарсы алды, Талғар гарнизонының барлық жеке құрамын салтанатты түрде құру ұйымдастырылды. Біздің батырларымыз жаңадан қабылданған жас қызметкерлер үшін мемлекетіміздің қауіпсіздігі үшін жанқиярлық қызметімен жарқын үлгі болып табылады.
