Күдікті 11 шілде күні Райымбек ауданы Сарыбастау ауылының маңындағы таулы аймақта ұсталды. Полиция қызметкерлері оның жүк көлігінің артқы жағынан «Қызыл кітапқа» енген жабайы жануардың (болжам бойынша, қызылқұйрық) етін тапты.
«Ұсталған жүк көлігінің жүргізушісі жабайы аңдарды атуға және аулауға рұқсат етілген ешқандай құжаттарды ұсына алмады. Қазіргі таңда аталған дерек бойынша ҚР ҚК 337-бабының 1-бөлігімен (заңсыз аң аулау) қылмыстық іс қозғалды. Ет тәркіленіп, биологиялық сараптамаға жіберілді», – деді Алматы облысы ПД ЖПҚБ Табиғатты қорғау полициясының аға инспекторы, полиция капитаны Бағлан Рымжанов.
Сараптама нәтижесінен кейін іс бойынша материал сотқа жіберілетін болады.
