Биыл 10 маусымда Шекара қызметінің Жамбыл облысы бойынша департаменті Қордай ауданы бойынша шекара басқармасының «Қарасай батыр» шекара бөлімшесінің әскери қызметшілері мемлекеттік шекараның Қазақстан – Қырғыз учаскесінде жалпы сомасы 6 млн теңгеден асатын тауарларды заңсыз алып өту фактісінің жолын кесті. Тәркіленген зат – жалпы саны 19 қорап болатын темекі стиктері.
Уәкілетті органдармен осы құқық бұзушылық іс-әрекетке қатысы бар адамдарды анықтау бойынша шаралар жүргізіліп жатыр.
