Мамандар науқастың спортпен шұғылданып жүріп жарақаттанғанын анықтады. Рентгенге түсіргенде иықтың 3/1 бөлігі сынып кеткені анық көрінді.
«20 жастағы жас жігіт бізге оң жақ иық сүйегінің сынуымен келді. Армрестлингтен жарысқа қатысып, жарақат алған екен. Жалпы бұл спорт түрі қолға қауіпті. Адам шынтақ пен иық буындарына, білек пен иық сүйектеріне жүктемені шамадан тыс береді. Біз науқасқа ашық остеосинтезді блоктаушы пластинамен және бұрандалармен ота жасадық. Қазіргі таңда науқас өзін жақсы сезініп отыр. Барлық ем шаралары тегін медициналық көмектің шеңберінде жүргізілді», – деді травматолог дәрігер Дәулет Тастанбеков.
Айта кетейік, остеосинтез – сынықтарды хирургиялық емдеу әдісі. Ол сынған сүйектерді біріктіріп, толық синтез басталғанға дейін анатомиялық дұрыс қалыпта бекітеді.
«Мен медициналық университеттің студентімін, Үндістаннан келдім. Абайсыздан осындай жарақат алдым. Мені осы ауруханаға уақытында әкеліп, дәрігерлер дереу көмек көрсеткені үшін алғыс айтқым келеді», – дейді науқастың өзі.
