Ақпаратқа сүйенсек, 06 маусым күні Кеген ауданының полиция бөліміне өз үйінде қару-жарақ пен оқ-дәрілерді заңсыз сақтаған белгісіз тұлға жайында жедел ақпарат келіп түскен.
«Дерек ҚР ҚК-нің 287-бабы 3-бөлімінде көзделген қылмыстық құқық бұзушылық белгілері бойынша аудандық полицияда тіркелді. Сотқа дейінгі тергеу барысында полиция қызметкерлері 1965 жылғы күдіктіні анықтады. Тұрғынның үйін тінту барысында ер адамнан 3 иір ойықты мылтық пен бір тегіс ұңғылы мылтық табылып, тәркіленді. Сонымен қатар 27 бірлік әртүрлі оқ-дәрі табылды», — деп жазды Бауыржан Әленов.
Қазіргі уақытта табылған арсеналдың шығу тегін тексеру шаралары жүргізіліп жатыр. Тәркіленген қару бойынша барлық қажетті сот сараптамалары тағайындалды. Күдікті қамаққа алынды.
