2007 жылы Қазақстан мен Египет үкіметтері арасында келісімге қол қойылды, оның аясында мешітті қалпына келтіру жобасы бекітілген еді. Шартқа сәйкес Қазақстан құрылысты жандандыруға 4,5 миллион доллар бөлді, ал қалғанын Египет тарапы қолға алатынын мәлімдеген еді. Бұл жоба 2011 жылы аяқталуы тиіс еді.
Бірақ Египеттегі саяси және экономикалық дағдарысқа байланысты рестоврация ұзаққа созылып кетті. Жалпы қалпына келтіру жұмыстары бір тоқтап, бір жалғасты. Ақыры 2018 реконструкция қайта басталып, биыл аяқталып отыр.
Салтанатты іс-шараға сенат спикері Мәулен Әшімбаев бастаған Қазақстан делегациясы арнайы келді. Делегация құрамында Мәдениет және спорт министрі Асхат Оралов, Ақпарат және қоғамдық даму министрі Дархан Қыдырәлі бар. Сондай-ақ мешіттің хронологиялық тарихы бейнеленген суреттер көрмесі ашылды.
