Polisia.kz-тің хабарлауынша, Қарағанды қалалық полиция басқармасына қарасты Михайлов полиция бөліміне қаладағы банк бөлімшелерінің бірінің басшылығы белгісіз біреулердің банк терминалын ұрлап әкеткені туралы арыз жазған.
Келтірілген шығын 69 мың теңген болған. Оған ұрланған терминалдың құны кірген. Бірақ ол терминалда ақша болмаған. Криминалдық полиция қызметкерлері жедел-іздестіру іс-шарасы кезінде осы іске қатысы бар деген күдікпен 45 жастағы азаматты ұстады.
Ол терминалдың ішіндегі ақшаны ұрлағысы келгенін мойындаған. Алайда онда ақша болмай шыққан. Сосын ол терминалдың өзін темір қабылдаушыларға өткізгісі келген.
Айғақ зат тәркіленді. Осыған қатысты ҚР ҚК-нің 188-бабына сәйкес қылмыстық іс қозғалды.
