Бұл шара мемлекеттік қызметтің беделін арттыру, мемлекеттік басқарудың озық тәжірибесін тарату мақсатында ұйымдастырылады.
Биыл конкурсқа қатысу үшін өңірлік комиссияға Алматы облысының 48 мемлекеттік қызметшісі өтініш білдірді. Қатысушылар эссе жазу, кейстік тапсырманы орындау, комиссиямен сұхбат секілді бірнеше кезеңнен тұратын сынақтардан өтті.
Нәтижесінде комиссия мүшелерінің шешімімен конкурстың Республикалық кезеңіне жіберілетін облыстың 2 қызметшісі анықталды. Олар:
Алматы облысы бойынша Еңбек және әлеуметтік қорғау департаментінің № 5 медициналық-әлеуметтік сараптама бөлімінің басшысы Перизат Чиналиева мен Қарасай ауданы әкімі аппаратының ұйымдастыру бөлімінің бас маманы Жарылқасын Сақтаған.
