10 мамырдан бастап Алматы облысының орталығында анафелогенді су айдындарын өңдеудің екінші кезеңі басталды. Өңдеу таңертең ерте, қолайлы ауа-райында жасалады. Бұл жұмыс 60 су айдынында жүргізіледі, нәтижесінде 70 га жер қамтылады.
Кейін, 10 күн ішінде санитарлық-эпидемиологиялық бақылау басқармасының мамандары су айдындарына мониторинг жүргізеді. Масалардың көп шоғырлануы анықталған жағдайда 20-30 күннен кейін өңдеудің 3 кезеңі өтеді.
«Біздің мамандар тек су айдындарын, әкімдік қала аумағын, ал пәтер иелері кооперативі көпқабатты үйлердің жертөлесін өңдейді», — деді Қонаев қалалық санитарлық-эпидемиологиялық бақылау бөлімінің басшысы Лариса Ролдугина.
Айта кетейік, биыл ауа райының қолайлы болуына байланысты масаларға қарсы өңдеу сәуір айынан басталды. Бұл өткен жылдардан қарағанда ертерек.
