ПД мәліметінше, 6 мамыр күні Қонаев қалалық ПБ-на Балқаш ауданының 30 жастағы азаматы 29 жылқысын барымташылар айдап әкетіп, 21.9 млн теңге шығынға ұшырағаны туралы арыз жазған.
«Шұғыл-іздестіру шараларының нәтижесінде 1989 және 1994 жылғы күдіктілер ұсталды. Аталған дерек бойынша ҚР ҚК-нің 188-1-бабы бойынша іс қозғалды», — деп жазды ПД бастығы Бауыржан Әленов.
Сондай-ақ тергеу барысында Жамбыл облысының 1987 жылы туған О. есімді тұрғыны ұрланған малды сатуға көмектескені анықталды. Ол қалалық УҰИ-на қамалды.
Қазіргі таңда жылқылардың орналасқан жерін анықтау бойынша іс-шаралар аяқталды, мал тәркіленіп, заңды иесіне қайтарылды.
