Сонымен, қалада бұрын ақ нанның құны 81 теңге болса, қазір 91 теңгеге дейін көтерілген.
«Атырау» әлеуметтік-кәсіпкерлік корпорациясының баспасөз қызметі әлеуметтік нанның күрт қымбаттауына не себеп болғанын мәлімдеді.
«Желаевский КХП» ЖШС ұн тарту кәсіпорны бірінші сұрыпты ұнның бағасын 1 келісі үшін 155 теңгеден 165 теңгеге дейін көтерді. Сондай-ақ «КАРАТ» ЖШС ұнның құнын бір келісі үшін 145 теңгеден 155 теңгеге дейін көтерді. Себебі электр энергиясының, коммуналдық қызметтердің, жанар-жағармайдың құны өсті, жұмысшылардың жалақысы көтерілді, – деді «Атырау» ӘКК баспасөз қызметі.
Соған қарамастан, өңірдің тұрақтандыру қорындағы бөлімдерде нанның құны басқа дүкендердегі орташа бағадан төмен.
