Полиция қызметкерлерінің мәліметінше, 4 мамырда Панфилов ауданы Сарыбел ауылының 47 жастағы тұрғыны полицияға арызданып, өзін ауылдасының тонағанын хабарлаған. Белгілі болғандай, ол жәбірленушіден 3,5 млн теңгені ашық түрде алып қойған.
Күдікті ұсталып, аудандық полиция бөліміне жеткізілді. Ол бұрын сотталған 30 жастағы ер адам болып шықты. Қазір уақытша ұстау изоляторына қамалған.
Аталған дерек бойынша тергеу амалдары ҚР ҚК-нің 191-бабына сәйкес («Тонау») жүргізіліп жатыр.
