«Мен мәжілісмен Баққожаевты қолдаймын. Заманауи технологиялар дәстүрлі журналистиканың қатарына жаңалықтарды таратудағы жаңа стильді әкелді. Соның арқасында блогерлер өздерін журналистермен тең көреді. Журналист блогер болса жарасымды. Бірақ, біздің мәртебемізді журналистикадан хабары жоқтармен теңестіріп қойғанына қарным ашады. Ал тілші мамандығы — жан-жақты білімді, мәдениетті талап етеді», — дейді бас редактор.
Сондай-ақ ол журналистиканы өмір сүрудің салтына теңейді. Бас редактордың сөзінше, тілшілікте эмоцияға жол берілмейді.
«Мысалы, журналистикада «автобус жүргізушісі маған ұнамады, жұмысынан кінәрат тауып, интернетке салсам, қанша қаралым жинар екен», — делінбейді. Блогерлерге адам өмірі ойыншық іспеттес. Оларға айтарым: біздің мамандық құқық және заңмен, кәсіби этикамен тығыз байланысты. Хайп пен журналистика — екеуі түрлі полюстағы ұғымдар», — деді Забира Сайдильдина.
Бас редактор Мәжілісте қоғамның актуалды және маңызды мәселесі көтерілгеніне қолдау білдірді.
