«Бүгінгі таңда орман шаруашылығы мекемелерінің аумағында 10 өрт дерегі тіркелді. Ал елді мекендерден тыс жерлерде құрғақ шөп өртенуінің 48 фактісі орын алды», — деді басқарма бастығы.
Самат Кенжеханның мәліметінше, департамент қызметкерлері орман шаруашылығы мекемелерімен бірлесіп, табиғи өрттердің алдын алу бойынша жұмыстарын бастады.
«Осылайша, рейдтік іс-шараларды өткізу үшін азаматтық қорғау күштері, жергілікті полиция қызметі, орман мекемелері мен жергілікті атқарушы органдардың 51 маманынан 10 мобильдік топ құрылды. Сонымен қатар 114 елді мекенге іргелес аумақтарды құрғақ өсімдіктерден және жанғыш қоқыстардан тазарту жүргізілгенін айта кеткен жөн», — деді Самат Кенжехан.
Басқарма бастығы жиын соңында табиғат аясына демалуға шыққан адамдарға қарапайым қауіпсіздік ережелерін сақтауға үндеді.
