Алматыда тау баурайында құрғақ шөп өртенді. Өрт сөндірушілер мен орман шаруашылығының өкілдері 100 шаршы метр алқапқа жайылған өртті сөндіруге тырысты.
Тау баурайында қураған ағаштар жанған. Құтқарушылардың хабарлауынша, өрттің жайылу қаупі жоқ.
«27 сәуір күні сағат 20:00-дер шамасында Алматы қалалық табиғи өрттерді сөндіру жасағы мен Іле Алатауы ұлттық паркінің өкілдері Медеу ауданы Керей, Жәнібек хандар көшесіндегі 389-шы үйдің маңына жіберілді. Онда тау баурайында құрғақ шөп жанғаны белгілі болды. Өрттің жайылу қаупі жоқ», — делінген хабарламада.
