Тілсіз жау жазық дала бойымен тез тараған. Бір отар қойды өрістен айдап келе жатқан бақташы жануарларды құтқара алмаған. Тіпті, өзі үйіне әрең жетіпті.
«Өрттің тез таралуына құрғақ шөп сеп болған. Тілсіз жауды сөндіруге 30 адам мен 4 техника жұмылдырылды. Сүйіндік және Жалғызапан ауылдарының тұрғындары да өртті ауыздықтауға барын салып көмектесті», — деп хабарлады Құрманғазы ауданының Төтенше жағдайлар департаменті.
Айта кету керек, Ресейден шыққан өрт Атырауға жетіп 1039 қой тірідей жанып кетті. Шығын көлемі есептеліп жатыр.
