Finprom.kz порталының дерегінше, 2022 жылдың соңында онлайн және мобильді банкингті белсенді пайдаланушылардың саны 22,9 млн-ға жетті. Бұл 2021 жылғы көрсетішпен салыстырғанда 20 пайызға көп.
Бүгінде еліміздің әрбір дерлік банкінде мобильді қосымша бар. Бұл ретте екінші деңгейлі ең ірі банктерде аталған өнім түрі барынша жақсы дамыған. Мәселен, танымал Google Play мобильді қосымшасының «Қаржы» секторына қатысты рейтингінде осы жылдың қаңтар-мамыр аралығында Kaspi.kz қосымшасы, Jusan Bank-тің Jusan және Halyk Bank-тің Halyk Homebank қосымшасы көш бастаған.
