Web-Хакатонға еліміз бойынша төрт санатқа қарай 450-ден астам жұмыс келіп, 41 финалист өз жобаларын әділқазы алқасының алдында жобаларын таныстырады.
«2022 жылы Президент Қасым-Жомарт Тоқаев білімге деген көзқарасты өзгертіп, техникалық мамандықтарға басымдық беру керегін айтқан болатын. «GOWEB — 2023» Web-Хакатонының финалы жас таланттардың алаңы болғалы тұр. Олар веб-әзірлеу және веб-дизайн саласындағы жас таланттардың бойындағы қабілеті мен шығармашылық әлеуетін көрсете алады», — дейді ұйымдастырушылар.
Сонымен қатар білім мен тәжірибе алмасу алаңына айналып, веб-технология қызметін енді бастаған мамандарға қарым-қатынас орнатуға таптырмас мүмкіндік сыйлайды. Хакатонды өткізу арқылы Қазақстанда техникалық мамандықтарды дамытуға басымдық беру керегі жөніндегі президенттің айтқанына қолдау білдіріп, жастар арасында кәсіби бағдарды анықтауына және техникалық мәдениетті дамытуына септігі тиеді.
Іс-шара барысында веб-әзірлеу мен веб-дизайн бойынша шеберлік сыныптары өтеді, сонымен қатар Oculus виртуалды шынайылық көзілдірігін зерттеп, ойын-сауық пен үстел үсті ойындары ұйымдастырылады.
Қазақстанда Web-Хакатон оқушылар, студенттер мен жас мамандар арасында танымал болып келеді.
Іс-шара соңында жеңімпаздарды салтанатты марапаттау рәсімі өтеді. Жеңімпаздар қаламы бар MacBook (веб-әзірлеушілер) немесе Ipad-пен (веб-дизайнерлер) марапатталады.
