Оқиға 12 сәуірге қараған түні болған. «Қазселденқорғау» ММ Алматы өндірістік қалалық пайдалану басқармасы филиалының маманы «Мохнатка» тауы маңында, Медеу бөгетінің тұсынан 300 м жоғары (Шымбұлаққа барар жолда) жерде көлемі шамамен 20 м3 тас опырылып түскенін анықтаған.
Жауын-шашын мен көшкін қаупіне байланысты алдын ала қойылған блокбекеттердің арқасында адамдардың зардап шегуіне жол берілмеді.
Тастардың көп бөлігі қорғаныс қабырғасының ішінде құлаған, алайда қорғаныс қабырғасы, сондай-ақ қорғаныс торлары зақымданған, 2 тіреу майысқан.
Таудан тастардың қайта құлау қаупіне байланысты «Қазселденқорғау» ММ мамандары «Медеу» табиғи паркі КММ автожол учаскесін толық жабу туралы ұсынымдар берді. Қазіргі уақытта жол (Медеу-Шымбұлақ) жабылды. Қаланың арнаулы қызметтері жұмыс істеп жатыр.
Алматы қалалық ТЖД мен «Қазселденқорғау» алматылықтарды, туристер мен мегаполис қонақтарын «Қазгидрометтің» жауын-шашын туралы болжамына байланысты тауға барудан бас тартуға шақырады. Сонымен қатар, тауда қалған туристерге барлық қауіпсіздік шараларын сақтауға кеңес береді.
Егер сізге көмек қажет болса, 112, 109 немесе 8 (727) 372 -15-60 (ҚР ТЖМ РЖҚЖ ММ кезекші-диспетчерлік бөлімшесі) желілеріне қоңырау шалу қажет.
