Оқиға 7 сәуірде Семей мектеп-интернатында болды. 15 жастағы жасөспірім тамақ ішіп отырып, тағамға қақалып қалған. Жедел жәрдем бригадасы келгенше жасөспірім қайтыс болып кетті.
Абай облысының білім басқармасының мәліметінше, жасөспірімде «жеңіл ақыл-ой кемістігі» диагнозы болған. Интернатқа Семей психологиялық-медициналық-педагогикалық консультациясының қорытындысы негізінде қабылданған. Дүйсенбіден жұмаға дейін бала 6 арнайы мектеп-интернатта тұрып, оқып, ал сенбі және жексенбі күндері анасы баланы үйіне алып кетіп жүрген.
«Әуезов полиция бөлімі сотқа дейінгі тергеп-тексеруді бастады, оның шеңберінде тиісті сот сараптамалары жасалады. ҚР ҚІЖК-нің 201-бабының 1-бөлігіне сәйкес сотқа дейінгі тергеп-тексеру деректері жария етілмейді», — дейді полиция.
