Бұйрықтың соңғы нұсқасында Үлкен Алматы айналма автокөлік жолы (ҮАААЖ) бойымен жүру бағасы өзгеруі мүмкін екені аталып өткен. Жоба 2023 жылдың 17 сәуіріне дейін талқылауда болады.
Бір реттік жол жүру бағасы:
- жеңіл автомобильдер – 241,5 теңге;
- жолаушылар саны 16-ға дейін арналған автобустар мен жүк көтерімділігі 2,5 тоннаға дейінгі жүк көліктері – 414 теңге;
- жолаушылар саны 32-ге дейін арналған автобустар және жүк көтерімділігі 5,5 тоннаға дейінгі жүк көліктері – 759 теңге;
- 32 және одан да көп жолаушыға арналған автобустар және жүк көтерімділігі 10 тоннаға дейінгі жүк көліктері – 1242 теңге;
- жүк көтерімділігі 10-нан 15 тоннаға дейінгі жүк көліктері – 1483,5 теңге;
- жүк көтерiмдiлiгi 15 тонна және одан да көп, оның iшiнде тiркемелерi бар жүк көліктері, ершікті тартқыштар – 2484 теңге.
ҮАААЖ бойымен жиі жол жүретіндер үшін бір айға және бір жылға абонемент қарастырылған.
Жол ақысын концессионер белгілеген ақы алу жүйесін пайдалана отырып, автокөліктің мемлекеттік нөмірі бойынша шотқа төлеуге болады. Сонымен қатар қарызды жеті күнтізбелік күн ішінде өтеуге мүмкіндік беретін кейін төлем опциясы да болуы мүмкін.
