Жоспардың іс-шараларына шамамен 2 трлн. теңге бюджеттік және жеке инвестициялар тарту көзделіп отыр, деп мәлімдеді облыс әкімі Марат Сұлтанғазиев.
Алматы агломерациясы бас жоспарларға сәйкес дамитын болады, ол Алматы мен Қонаев қалалары арасындағы логикалық байланыс «G4 City» спутник-қаласының құрылысы болмақ.
«G4 City» аумағына ірі шетелдік инвесторларды тарту үшін 30 мың гектар аумақта арнайы экономикалық аймақ құрылды. Азық-түлік, тоқыма, былғары, қағаз өнімдері мен құрылыс материалдарын өндіру, логистика салаларындағы жобалар басым бағыттар болып бекітілді.
25 жыл ішінде арнайы экономикалық аймақтан түсетін тиімділік — 3,7 трлн. теңге инвестиция тартылып, 3,2 трлн. теңге салық түсімдері түсіп, 34 мың жұмыс орны ашылады.
«Үшінші бағыт қазіргі таңда облыста 674 саяжай алаптары бар (Қарасай — 200, Іле — 157, Талғар — 152, Еңбекшіқазақ – 135, Жамбыл – 21 және Қонаев – 9), онда 183 мың адам тұрады. Саяжай қауымдастықтарының жалпы ауданы 10 мың га, саяжай учаскелерінің саны – 83 578, оның ішінде иесіз – 1367. Мұндағы негізгі проблемалық мәселелер – елді мекен мәртебесінің жоқтығы, әлеуметтік нысандардың болмауы. Жер учаскелері ауыл шаруашылығы қажеттіліктеріне арналған, саяжайлар тұрақты тұру үшін қарастырылмаған, көшелер мен жолдардың ені нормативтерге сәйкес келмеуі, инженерлік-коммуникациялық инфрақұрылыммен толық көлемде қамтамасыз етілмеуі болып табылады», — деді Марат Сұлтанғазиев.
Бүгінгі таңда барлық аудандарда саяжай ұжымдары өкілдерінің қатысуымен тұрақты жұмыс топтары құрылды, олар саяжай алаптарының жүйелі мәселелерін шешу бойынша уәкілетті органдармен жұмыс жүргізіп жатыр.
