«Toyota Estima» жүргізушісі оқ атқан сәт видеоға түсіп қалған. Видео дәл осы сәттен басталады, содан кейін кадрларда «Toyota Camry» көлігінің зардап шеккен жүргізушісі көрсетілген. Осыдан кейін жәбірленуші қанға боялған бетін ұстап, көлігіне жүгіреді. Ал қару қолданған ер адам оқиға орнынан кетіп қалады.
Қалалық Полиция департаментінің баспасөз қызметі күдіктінің ұсталғанын хабарлады.
«Дерек бойынша Қылмыстық кодекстің 293-бабы 2-бөлігінде көзделген қылмыс бабы бойынша соталды тергеп-тексеру амалдары жүргізіліп жатыр. Алдын ала мәлімет бойынша, Наурызбай ауданындағы базарлардың бірінің аумағында екі көлік жүргізушілері арасында жанжал туындап, нәтижесінде олардың бірі қарсыласына оқ атқан. Күдікті қамауға алынды. ИЖ маркалы газ тапаншасы тәркіленді. Басқа да мән-жай анықталып жатыр», — деді қаланың баспасөз қызметі өкілдері.
Қоғамдық денсаулық сақтау басқармасының мәліметінше, жәбірленуші медициналық көмекке жүгінбеген.
«103 пультіне ондай қоңырау түскен жоқ», — дейді Алматы қалалық қоғамдық денсаулық сақтау басқармасының ресми өкілі Нәбира Есенова.
Посмотреть эту публикацию в Instagram
