Жасөспірімдер оған дөрекі жауап берген. Бұдан соң жәбірленуші олармен сөзге келген. Сол кезде жасөспірімдердің бірі ер адамды құлатып, үшеуі жабылып ұра бастаған. Зардап шеккен адам әлі ауруханада жатыр.
«Науқастың жағдайы әлі де ауыр. Бірақ біртіндеп сауығып келеді. Есін жиды. Ол өкпені жасанды тыныс алдыру аппаратынан ажыратылды», — деп хабарлады облыстық денсаулық сақтау басқармасының баспасөз қызметі.
Еске салайық, 7 наурызда түнде 15, 16, 17 жастағы үш жасөспірім Таутүрген ауылының тұрғынын көшеде аяусыз ұрып-соғып, оны көшеде қалдырып кеткен. Өтіп бара жатқан адамдар қозғалыссыз жатқан адамды көріп, жедел жәрдем шақырды. Жәбірленуші Есік қаласындағы ауруханаға жеткізілді.
