Досбол Бекмағамбетовтың ақпарына қарағанда, өзен ағысының динамикасын зерттегенде, жергілікті және көрші елдермен бірге бізге тиесілі ағындардың кемуінен су ресурстарының азайғаны анықталған. 2000 жылдары орташа көпжылдық өзен ағысы 120 текше километр болса, қазіргі уақытта ол шамамен 102 текше километрді құраған. Бұның себебі климаттың өзгеруі мен антропогендік факторларға тікелей қатысты.
«Су ресурстарының азаюынан және халықтың түрлі қажеттіліктеріне суды көп пайдалануынан Қазақстанда 2030 жылға қарай су ресурстарының тапшылығы 23,2 текше километрге жетуі болжанады», — деді комитет өкілі.
Оның айтуынша, 2030 жылға қарай өзен ағыны одан әрі 99,4 текше километрге дейін қысқаруы мүмкін.
