«Сіздермен Ұлы мереке — Наурыз мейрамы қарсаңында кездесіп отырмыз. Бұл бүкіл халқымыз үшін маңызды оқиға және оның қарсаңында мен сіздермен кездесіп, жұмысымыз туралы айтып, кеңестеріңізді тыңдағым келді. Бұл кездесуді сізге, сіздің өмір тәжірибеңізге деген жоғары құрмет белгісі ретінде қабылдаңыз. Біз үшін әр түрлі мәселелерді шешуде аға буынның қолдауын сезіну өте маңызды, өйткені сіздердің еңбектеріңізбен белсенділіктеріңіздің арқасында Алматы облысы қарқынды дамып, еліміз бойынша әрқашан озық позицияларға ие болды», — деді облыс әкімі кездесуге қатысушыларды құттықтай отырып.
Содан кейін «Урбостиль» ЖШС басшысы, қала құрылысшылары одағының президенті Любовь Нысанбаева Қонаевтың Бас жоспарының жобасын таныстырды. Авторлардың айтуынша, облыс орталығы дамыған инфрақұрылымы, көптеген саябақтар мен скверлер, жаңа әлеуметтік нысандар, әкімшілік және тұрғын үй кешендері бар заманауи жайлы қалаға айналады.
