«Өкінішке орай, бүгінгі таңда оқушылар арасында есірткіні қолдану фактілері анықталып жатыр, сондықтан болашақта скрининг жүйесін енгізу жоспарланды. Бұл қоғамның есірткіге тәуелділік деңгейін объективті бағалауға, сондай-ақ есірткіге тәуелділерді ерте кезеңде, әсіресе жасөспірімдер арасында анықтауға мүмкіндік береді», — деді Марат Ахметжанов.
Скринингті оқу орындарына түсу, жұмысқа, мемлекеттік қызметке, Қарулы күштер қатарына қабылдау кезінде медициналық тексеру шеңберінде жүргізу ұсынылады.
«Бүгінгі күні синтетикалық препараттар кең таралған және қолжетімді. Сараптама көрсеткендей, егер ерте кезеңде қолдану анықталса, онда 95% жағдайда адамды қалыпты өмірге қайтаруға болады. Мектептерде де таралатын есірткінің көптеген түрлері бар, біз оны жасырмаймыз», — деп толықтырды ІІМ басшысы.
