Дәрігерлердің айтуынша, оқушылар қаладағы қонақ үйлердің бірінде жәндіктерге қарсы залалсыздандыруға арналған препараттан уланған.
Павлодар облысынан Алматыға жарысқа келген 7 мен 15 жас аралығындағы 17 баланың 4-еуі химиялық заттан уланды деп орталыққа жеткізілген.
«Балалар ауруханаға түскен кезде бастары айналып, жүректері айнып, шағымданды. Ем алып жатқан 4 баланың жағдайы қазір орташа ауырлықта. Емнің нәтижесі айтарлықтай жақсы. Алдағы күндері балалар үйлеріне шығады», — деді қалалық балалар шұғыл медициналық жәрдем орталығы бас дәрігерінің орынбасары Алуа Жексенова.
Естеріңізге сала кетейік, кеше біздің сайтымызда 4 баланың уланғаны жайлы ақпарат жарияланған болатын.
