Премьер-Министр Жетісу облысындағы перспективалы бағыттардың бірі логистиканы дамыту екенін айтты. Ол пандемия басталғаннан бері «Қорғас» халықаралық шекара маңы ынтымақтастық орталығы жұмыс істемей тұрғанымен, қазір Қытай елі басшылығымен оны ашу туралы келісімге қол қойылғаны жайлы сөз етті.
«Қорғас» сауда орталығы өз жұмысын жақын арада бастауы керек. Енді дайындық үдерістерін жеделдету және орталық қызметіне тартылған барлық құрылымдардың өзара іс-қимылын қамтамасыз ету қажет», — деді Үкімет басшысы.
Әлихан Смайылов сондай-ақ жоспарланған инвестициялық жобаларды уақтылы іске қосудың маңыздылығын атап өтті.
