«Бауманн» неміс компаниясы қуаттылығы жылына 15 мың тонна ұсақ малды өңдеу бойынша «Жетісу қой» зауытын салуды жоспарлап отыр. Жалпы алғанда облыс құс еті мен жұмыртқа өндірісі бойынша жетекші орынға ие. Нақтырақ айтқанда, 113 мың тонна құс еті өндіріледі, бұл дегеніміз – Қазақстан бойынша 31 пайызды құрайды. Жыл сайын 560 млн-нан астам дана жұмыртқа шығарылады», — деді Марат Сұлтанғазиев.
Былтыр Іле ауданында қуаттылығы жылына 10 мың тонна құс етін өндіретін «Наурыз Агро KZ» фабрикасы пайдалануға берілді. Ұйғыр ауданында қуаттылығы 17,5 мың тонна «Прима Құс» зауытының бірінші кезегінің құрылысы аяқталды. Сондай-ақ биыл екінші кезектің құрылысы басталады, нәтижесінде өндіріс қуаты жылына 26,3 мың тоннаға дейін ұлғаяды.
«Кәсіпорынның барлық үш кезегі іске қосылғаннан кейін құс етінің импорты 40%-ға қысқаруы мүмкін деп болжанып отыр. Бұл елдің азық-түлікпен қамтамасыз ету жөніндегі стратегиялық міндеттің орындалуының айқын көрсеткіші болмақ. Құс фабрикасы етті, жартылай фабрикаттар мен қосалқы өнімдерді ішкі нарыққа да шығарады, көршілес Өзбекстан, Қырғызстан, Тәжікстан, Моңғолия және Қытайға да экспорттайды», — деді әкім.
