Дәстүрлі ұлттық мектеп лигасының облыстық кезеңі биыл 14 пен 16 ақпан аралығында өтеді.
5-11-сынып оқушылары арасында ұйымдастырылған сайыста тоғыз команда 10 спорт түрінен бақ сынайды. Оның ішінде, ұлттық ойын түрлері, баскетбол, волейбол, гандбол, футбол, футзал, шахмат, үстел теннисі секілді спорт түрлері бар.
Кіл мықтыдан кім мықтыны анықтайтын бұл доданың жеңімпаздары ұлттық мектеп лигасының республикалық кезеңіне жолдама алады.
Лиганың алғашқы күнінде оқушылар Қарасай ауданында футболдан жарысты. Шахматтан сайыс Жамбыл ауданында болады. Ал қалған ойын түрлері жеребеге сәйкес әр ауданда өткізіледі.
