Бұл жоба зейнеткерлікке дейінгі жастағы адамдарды тұрақты жұмыс орындарына орналастыруға мүмкіндік береді, ол 2022 жылы 2021-2025 жылдарға арналған кәсіпкерлікті дамыту жөніндегі ұлттық жоба шеңберінде іске қосылды.
Жұмысқа орналасқандардың ең көп саны Алматы (570 адам), Түркістан (516 адам) және Қарағанды (322 адам) облыстарында байқалады.
«2023 жылғы 1 қаңтардан бастап жобаны іске асыру қағидаларына өзгерістер енгізілді. Енді оған 50 жасқа толған адамдар қатыса алады. Бұл ретте мемлекеттен жұмыс берушіге жұмысқа орналастырылған жобаға қатысушылардың жалақысының белгіленген мөлшерінің 60-тан 70%-на дейін, бірақ 30 айлық есептік көрсеткіштен аспайтын мөлшерде субсидиялар төленетін болады», — деп хабарлады Халықты жұмыспен қамту департаменті директорының орынбасары Айжан Жапалбаева.
«Күміс жас» жобасына қатысу ұзақтығы 36 айға дейін. Осыдан кейін жұмыс беруші «Қазақстан Республикасында зейнетақымен қамсыздандыру туралы» заңда белгіленген зейнеткерлік жасқа толмаған адамды кемінде 1 жыл мерзімге, ал зейнеткерлікке дейінгі жастағы адамды (58 жастан жоғары) зейнеткерлікке шыққанға дейін тұрақты жұмыс орнына орналастырады.
Жыл басынан бері бұл жобаны тек қатысушылар тарапынан ғана емес, жұмыс берушілерден де жүзеге асырудың көптеген оң мысалдары атап өтілді.
