Жолаушылар bilet.railways.kz сайтынан онлайн билеттерді сатып алғанда «Сапарда ауысып отыру/құрама маршрут» жаңа қызметін пайдалана алады, деп хабарлады «Жолаушылар тасымалы» АҚ баспасөз қызметі.
Тікелей бағыт немесе бос орын болмаған жағдайда, жаңа қызмет түрі пойыздан пойызға ауысатын маршрутты таңдауға мүмкіндік береді.
Қазіргі уақытта әзірге қызметті: Қостанай-Семей, Екібастұз-Алматы, Ерейментау-Орал, Петропавл-Ақтөбе, Шымкент-Арқалық, Шымкент-Петропавл, Қостанай-Шымкент, Атырау-Семей және тағы басқа бағыттар бойынша билет сатып алғанда ғана пайдалануға болады.
