Түркияның Антакия, Хатай қалаларында хабарсыз кетті делінген қазақстандықтарды іздеуге шыққан топ Сабина Мамадьярованың аман табылғанын хабарлады. Олардың мәліметі бойынша, отандасымыздың қолы сынған. Қазір оны ауруханаға апара жатыр.
«Қазір құтқарушылар үйінділерді аршу жұмыстарын жедел атқарып жатыр. Қалғандары да Сабина табылған тұстан алыста болмауы керек. Ақпарат пайда болған сәтте-ақ хабарлаймыз», — деп жазды іздеуші топ өкілдері.
