Еуропалық Жерорта теңізі сейсмологиялық орталығының (EMSC) мәліметтері бойынша, жер сілкінісі Кахраманмараш қаласынан солтүстік-шығысқа қарай 59 шақырым жерде сағат 13:24-те болған.
Бірнеше минуттан кейін тағы бір сілкініс болды, оның магнитудасы — 5,9. Ал 13:51-де сейсмологтар Түркияның шығысында 5,4 баллдық дүмпуді тіркеді.
Сана мемлекеттік агенттігі Дамаскіде, Латакияда және Сирияның басқа провинцияларында жаңа дүмпулер туралы хабарлады.
Еске салайық, дүйсенбі күні таңертең Кахраманмараш провинциясында 7,7 баллдық жер сілкінісі болды. Түркия президенті Режеп Тайып Ердоғанның айтуынша, бұл 1939 жылдан бергі ең ірі апат болды. 900-ден астам адам қаза тауып, 5 мыңнан астам адам жараланып, екі мыңнан астам ғимарат құлады.
Сонымен қатар Сирияның Алеппо, Латакия, Хама және Тартус провинциялары қатты зардап шекті. Сирия Денсаулық сақтау министрлігінің мәліметінше, қаза тапқандар саны 370-тен асты, 1,1 мыңға жуық адам зардап шекті. Жер асты дүмпулері Ливан, Израиль, Ирак және Грузияда да сезілді.
