Антикордың араласуынан кейін Қонаев қаласында зауыт іске қосылды.
«2018 жылдан бастап «АЖК» АҚ монополисті «ПромСтрой Қапшағай» ЖШС зауытын электрмен жабдықтауға қоспай, бизнеске жасанды кедергі жасады. Мәселен, «ПромСтрой Қапшағай» ЖШС 2022 жылы 18 тамызда қуаты 2 411 кВт электрмен жабдықтауды қосуға техникалық шарттар алған. Алайда, «АЖК» АҚ өкілдері зауытты электрмен жабдықтауға қосуға асықпады. Кәсіпкер Алматы облысы бойынша Сыбайлас жемқорлыққа қарсы қызметіне жүгінгеннен кейін осы мәселе бойынша талқылауға бастамашылық жасалды. Нәтижесінде зауытты бастапқы іске қосу үшін жеткілікті 300 кВт электр энергиясына қосу мәселесі шешілді», — делінген ведомствоның хабарламасында.
Ведомствоның ақпаратына сәйкес, бүгінгі күні зауытта жұмыс басталды. Қаланың 60 жергілікті тұрғыны жұмысқа орналасты.
