Бұл сапар жергілікті атқарушы органдардың, БАҚ өкілдерімен және Шелек полиция бөлімінің қызметкерлерімен бірлесіп жүзеге асырылды.
Тексеру барысында рұқсат етілмеген полигонда қатты тұрмыстық, медициналық қалдықтар мен мұнай өнімдері болды.
Департамент Шелек ауылының әкімдігіне және «Балис 2007» ЖШС өкілдеріне оларды жою бойынша жедел шаралар қабылдау туралы тапсырма берді.
Шелек полиция бөлімінің қызметкерлері тіркеу материалын жасақтады, оның нәтижелері бойынша кінәлі адамдарға қатысты Қазақстан Республикасының қолданыстағы заңнамасына сәйкес тиісті шаралар қабылданатын болады.
