«25 жәбірленушіге келтірілген жалпы материалдық шығын 22 млн теңгеден асады. Күдікті қамауға алынды. Күдікті азаматтардың сеніміне кіріп, оларға жер телімдерін нарық бағасынан төмен бағаға сатып алуды ұсынғаны анықталды. Ол «әлеуетті клиенттерден» бастапқы жарнаны алған, оның сомасы жер телімінің орналасқан жеріне байланысты өзгеріп отырды. Әйел адам ақшаны алғаннан кейін хабарсыз кеткен. Қазіргі таңда 25 қылмыстық эпизод анықталды», – деді Алатау аудандық полиция басқармасының бастығы Талғат Беркінбаев.
Полиция қызметкерлері Р. есімді әйелдің қаланың басқа да жерлерінде осыған ұқсас қылмысқа қатысы бар болуы мүмкін екенін жоққа шығармайды. Осыған байланысты полиция азаматтардан осы суретке мұқият қарап, әйелді таныған жағдайда мына телефон нөмірлеріне хабарласуды сұрайды: 8-702-448-63-37 және 227-55-02.
