«Науқас №7 қалалық клиникалық ауруханаға мойын және іш аймағындағы жарақатпен ауыр хәлде түсті. Науқасқа ота жасалып жатыр», — деп хабарлады Алматы қалалық Қоғамдық денсаулық сақтау басқармасының баспасөз қызметі.
Бұған дейін Алматы қалалық Полиция департаменті «Ақсай» ықшам ауданында ер адам көлік ұрлап, жол апатына түскені туралы мәлімдеген болатын.
Оны ұстамақ болған кезде күдікті өзіне пышақ сұғып алған.
Әлеуметтік желіде ер адамның жерде қансырап жатқан видеосы тарады.
