«Алматы облысы Қарасай ауданы Қаскелең қаласында Полиция департаментіне қарасты жылдам қимылдайтын арнайы жасақта қызмет етіп, міндеттерін атқару кезінде қаза болған полицей Дархан Барғанаевты еске алуға арналған футбол турнирі өтті», — делінген хабарламада.
Турнирге Алматы облысының полиция департаменті, Қонаев қаласының полиция басқармасы және 9 ауданнан барлығы 11 команда, 100-ден астам полиция қызметкерлері қатысты. Іс-шара үнсіздік минутынан басталды.
«Футбол жарысы батырларымызды еске алуға арналады және ішкі істер бөлімі қызметкерлері арасында дене шынықтыру мен спортты дамыту, салауатты өмір салтын насихаттау мақсатында өткізілді», — деп жазды баспасөз қызметі.
Жарыстың қорытындысы келесідей:
1-орын — Еңбекшіқазақ ауданы;
2-орын — Іле ауданы;
3-орын — Райымбек ауданы.
Жекелей номинация бойынша:
Үздік ойыншы: Байсембаев Дархан, Іле ауданы;
Үздік сұрмер: Суанбаев Әлібек, Іле ауданы;
Үздік қақпашы: Ұзақбаев Айдар, Райымбек ауданы.
