Бұл алаяқтық жайында қаланың бірнеше тұрғыны полицияға хабарласқаннан кейін белгілі болды. Барлығының айтқан оқиғасы бірдей: 55 жастағы азамат пен 40 жастағы әйел ипотекада тұрған пәтерлері бар екендігін және қалыптасқан жағдайға байланысты тез арада арзандатылған бағамен сатуға мәжбүр екендігі туралы жалған айтып, сатып алушыларды сендіріп отырған. Кейін олар із-түссіз жоғалып кетіп жүрген.
Сатып алып сан соққандар аз емес. Қазіргі уақытта полиция басқармасына 7 адамнан арыз түскен. Күдіктілер ұсталып, олардың үстінен аса ірі көлемдегі алаяқтық дерегі бойынша ҚР ҚК-нің 190-бабы 3-бөлігінің 1-тармағына сәйкес қылмыстық іс қозғалды, — дейді Медеу аудандық полиция басқармасының бастығы Дәурен Өтебаев.
Полиция қызметкерлері қала тұрғындарына алдағы уақытта сақ болуды және осындай оқиға болған жағдайда немесе күдікті біреуді байқаған уақытта дереу хабарласуды ескертеді.
